പോത്തൻകോട് : പോത്തൻകോട് പൂലന്തറയിൽ കാറും ബൈക്കും കൂട്ടിയിടിച്ച് യുവാവ് മരിച്ചു. ഞാണ്ടൂർക്കോണം പെരുമ്പാലം കാർത്തികയിൽ ശ്രീകണ്ഠൻ നായർ ശ്രീലത ദമ്പതികളുടെ മകൻ വിഷ്ണു (28) ആണ് മരിച്ചത്. ഒപ്പം സഞ്ചരിച്ചിരുന്ന മഹാദേവപുരം സ്വദേശി നവീൻ അത്യാഹിത വിഭാഗത്തിൽ ചികിത്സയിലാണ്. ശനിയാഴ്ച വെളുപ്പിന് 12:30നാണ് അപകടം നടന്നത്.
ഷോർട്ട് ഫിലിം നിർമ്മാതാക്കളായ ഇരുവരും പോത്തൻകോട് ഹോട്ടലിൽനിന്നും ഭക്ഷണം കഴിച്ചശേഷം ശാന്തിഗിരിയിലെ പെട്രോൾ പമ്പിലേക്ക് പോകുമ്പോൾ കൊട്ടാരക്കരയിൽ നിന്നും എയർപോർട്ടിലേക്ക് വന്ന കാറുമായാണ് കൂട്ടിയിടിച്ചത്.
ഇരുവരേയും ഉടനെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും വിഷ്ണുവിൻ്റെ മരണം സംഭവിക്കുകയായിരുന്നു. പോത്തൻകോട് പോലീസ് കേസെടുത്തു. പോസ്റ്റുമോർട്ടത്തിനുശേഷം മൃതദേഹം കഴക്കൂട്ടം ശാന്തി തീരത്തിൽ സംസ്കരിച്ചു. സഹോദരി ശരണ്യ.
