തിരുവനന്തപുരം: കഴക്കൂട്ടത്ത് എട്ടുകിലോ കഞ്ചാവുമായി കഴക്കൂട്ടത്തുകാരൻ പിടിയിൽ. തുമ്പ, കിൻഫ്രാ പാർക്കിന് സമീപം വയലിൽ ഭവൻ നിഖിൽ. പി. ഷാജി (32)യെ ആണ് 8.036 കിലോഗ്രാം കഞ്ചാവുമായി കഴക്കൂട്ടം എക്സൈസ് അധികൃതർ പിടികൂടിയത്. അന്യസംസ്ഥാനത്ത് നിന്ന് എത്തിച്ച് വിൽപ്പനയ്ക്കായി സൂക്ഷിച്ചിരുന്നതെന്നാണ് എക്സൈസ് അധികൃതർ പറഞ്ഞു. തിരുവനന്തപുരം എക്സൈസ് എൻഫോഴ്സ്മെന്റ് ആൻഡ് ആന്റി നാർക്കോട്ടിക് സ്പെഷ്യൽ സ്ക്വാഡ് എക്സൈസ് ഇൻസ്പെക്ടർ നിഷാദിന്റെ നേതൃത്വത്തിലുള്ള സംഘo തിരുവനന്തപുരം ജില്ലാ സൈബർ സെല്ലിൽ നിന്നും കിട്ടിയ രഹസ്യ വിവരത്തിന്റെ അടിസ്ഥാനത്തിൽ തുമ്പ ഭാഗത്തു നടത്തിയ പരിശോധനയിലാണ് ഇയാൾ പിടിയിലായത്. എക്സൈസ് ഉദ്യോഗസ്ഥരായ സുഭാഷ് കുമാർ, ശരത്, അക്ഷയ് അനിൽ ശ്രീ,നന്ദകുമാർ ,ആരോമൽ രാജൻ, എന്നിവർ റെയിഡിന് നേതൃത്വം നൽകി
