തിരുവനന്തപുരം: മുതലപൊഴിയിൽ വീണ്ടും വള്ളം മറിഞ്ഞ് അപകടം. ഒരാൾക്ക് പരിക്കേറ്റു. വള്ളം ശക്തമായ തിരയിൽപ്പെടുകയായിരുന്നു. വള്ളത്തിൽ ഉണ്ടായിരുന്ന തൊഴിലാളി കടലിലേക്ക് തെറിച്ച് വീണു. മത്സ്യബന്ധനത്തിന് പോകവേ 3:40 ഓടെയാണ് അപകടം സംഭവിച്ചത്.
വർക്കല സ്വദേശിയായ സൈനുദ്ദീനാണ് (23) വള്ളത്തിൽ നിന്ന് തെറിച്ച് വീണ് പരിക്കേറ്റത്. ഇയാളെ ചിറയിൻകീഴ് താലൂക്ക് ആശുപത്രിയിലേക്ക് മാറ്റി. ഷിഹാബുദ്ദീൻ്റെ ഉടമസ്ഥതയിലുള്ള റസിയ ഉമ്മ എന്ന വള്ളം ആണ് അപകടത്തിൽ പെട്ടത്.
