ഡൽഹി: ഉത്തരാഖണ്ഡിലുണ്ടായ മിന്നൽ പ്രളയത്തില് നാലുപേര് മരിച്ചതായി ഡിസ്ട്രിക്ട് മജിസ്ട്രേറ്റ്. 10 പേരെ രക്ഷപ്പെടുത്തി. നിരവധിയാളുകളെ കാണാനില്ല.ഉത്തരാഖണ്ഡിലെ ഉത്തരകാശിയിലെ ഹർസിലിനടുത്തുള്ള
ധരാലി പ്രദേശത്ത് വൻ മേഘവിസ്ഫോടനത്തിൽ ഒരു ഗ്രാമം ഒലിച്ചുപോയി. ലോക്കൽ പൊലീസ്, എസ്ഡിആർഎഫ്, ആർമി മുതലായവർ സ്ഥലത്തെത്തി രക്ഷാപ്രവർത്തനങ്ങളും തിരച്ചിലും ആരംഭിച്ചിട്ടുണ്ട്.
നിരവധി നാശനഷ്ടമാണ് റിപ്പോര്ട്ട് ചെയ്തത്. നിരവധി വീടുകളും കെട്ടിടങ്ങളും ഒലിച്ചുപോയി. സൈന്യവും 3 ഐടിബിപി സംഘങ്ങളും സ്ഥലത്തെത്തി. ഘീർഗംഗ നദിയിലൂടെ പ്രളയ ജലം ഒഴുകിയെത്തുകയായിരുന്നു. മരണസംഖ്യ ഇനിയും ഉയരാനാണ് സാധ്യത. മലയാളികളടക്കം ഉണ്ടോ എന്ന കാര്യത്തില് വ്യക്തത വന്നിട്ടില്ല. രക്ഷാപ്രവർത്തനം പുരോഗമിക്കുകയാണ്.
