തിരുവനന്തപുരം: 30 ലേറെ വർഷമായി ഒപ്പമുള്ളവരാണ്. പിന്നിൽ നിന്ന് കുത്തുമെന്ന് കരുതിയില്ലെന്നും ലോകം മുഴുവൻ തന്നെ കള്ളനായി ചിത്രീകരിച്ചെന്നും ഡോ. ഹാരിസ് ചിറക്കൽ. ശസ്ത്രക്രിയാ ഉപകരണം കാണാനില്ലെന്ന റിപ്പോര്ട്ടിന്റെ പശ്ചാത്തലത്തില് സഹപ്രവര്ത്തകര് തനിക്കൊപ്പം നില്ക്കാത്തതില് വിഷമമുണ്ടെന്ന് ഡോ. ഹാരിസ് ഹസന്.
എന്നെ അറിയാമായിരുന്നിട്ടും സഹപ്രവർത്തകർ സഹായിച്ചില്ലെന്നാണ് ഹാരിസിന്റെ പ്രതികരണം. കേരളം കൂടെനിന്നപ്പോഴും ചില സഹപ്രവര്ത്തകര് ജയിലില് അയക്കാന് ശ്രമിച്ചുവെന്നും അദ്ദേഹം പറഞ്ഞു. ചികിത്സയിൽ കഴിയുന്നതിനിടെ തെറ്റായ റിപ്പോർട്ട് മുകളിലേക്ക് അയച്ചുകൊടുത്തു.
കീഴുദ്യോഗസ്ഥൻ എന്ന നിലയ്ക്ക് അവർക്ക് എന്നോട് കാര്യങ്ങൾ നേരിട്ട് ചോദിക്കാവുന്നതേ ഉള്ളൂ. വിശദീകരണം തേടിയ ശേഷം മാത്രം കാര്യങ്ങൾ തീരുമാനിച്ചാൽ മതിയായിരുന്നു. തന്നോട് ചോദിച്ച് റിപ്പോര്ട്ട് തയ്യാറാക്കാമായിരുന്നുവെന്നും എന്താണ് സംഭവിച്ചതെന്ന് തന്നോട് ആരായാതെ പെട്ടെന്ന് വാര്ത്താ സമ്മേളനം വിളിച്ചത് തനിക്കും കുടുംബാംഗങ്ങള്ക്കും ഞെട്ടലും വേദനയുമുണ്ടാക്കി. പ്രിന്സിപ്പലിന്റെയും സൂപ്രണ്ടിന്റെയും വാര്ത്താസമ്മേളനം തന്നെ ഞെട്ടിച്ചുവെന്നും ഹാരിസ് പറഞ്ഞു.
