തിരുവനന്തപുരം: തിരുവനന്തപുരം ജനറൽ ഹോസ്പിറ്റലിൽ മുന്നിൽ നടന്ന അപകടത്തിൽ തുടർ നടപടികൾ സ്വീകരിച്ച് അധികൃതർ. വാഹനം ഓടിച്ച വിഷ്ണുനാഥിന്റെയും ഡ്രൈവിംഗ് പരിശീലനം നൽകിയ ബന്ധു വിജയന്റെ ലൈസൻസും സസ്പെൻഡ് ചെയ്തു.
ഒരു വർഷത്തേക്കാണ് സസ്പെൻഡ് ചെയ്തത്. കൂടാതെ ഇരുവരെയും എടപ്പാൾ ഐ ഡി റ്റി ആറിൽ ഡ്രൈവിംഗ് പരിശീലനത്തിനയക്കും. കഴിഞ്ഞ ദിവസമാണ് തിരുവനന്തപുരം ജനറല് ആശുപത്രിക്ക് സമീപം കാര് നിയന്ത്രണം വിട്ട് ഫുട്പാത്തിലേക്ക് ഇടിച്ചുകയറിയതിനെ തുടര്ന്ന് നാല് പേർക്ക് ഗുരുതര പരിക്കേറ്റത്. നാലുപേരുടെ നില ഇപ്പോഴും ഗുരുതരമായി തുടരുകയാണ്.
