തിരുവനന്തപുരം: സിഐഎസ്എഫ് ഉദ്യോഗസ്ഥന്റെ ഭാര്യയെയും മകനെയും കാണാനില്ലെന്ന് പരാതി. തിരുവനന്തപുരത്ത് നിന്നാണ് ഇവരെ കാണാതായത്. അസം സ്വദേശിയായ റൂമി ദേവദാസ്, മകൻ പ്രീയാനന്ദ ദാസ് (4) എന്നിവരെയാണ് കാണാതായത്.
നാലുദിവസം മുമ്പാണ് ഇവരെ കാണാതായതെന്ന് പരാതിയിൽ പറയുന്നു. ഈഞ്ചക്കലിലായിരുന്നു ഇവർ താമസിച്ചിരുന്നത്. ഭർത്താവിന്റെ പരാതിയിൽ ഫോർട്ട് പൊലീസ് അന്വേഷണം ആരംഭിച്ചു. തിരുവനന്തപുരം വിമാനത്താവളത്തിലെ സുരക്ഷാ ഉദ്യോഗസ്ഥനാണ് ഭർത്താവ് പൂനം ചന്ദ്രബോസ്.
അസമിലേക്ക് പോകുകയാണെന്ന് പറഞ്ഞാണ് റൂമിയും കുഞ്ഞും വീട്ടിൽ നിന്ന് പോയത്. ഈ മാസം 13 -ാം തീയതിയായിരുന്നു ഇവർ പോയത്. എന്നാൽ പിന്നീട് നടത്തിയ അന്വേഷണത്തിൽ ഇവർ അസമിൽ എത്തിയില്ലെന്നാണ് ലഭിച്ച വിവരം.
