തിരുവനന്തപുരം: തിരുവനന്തപുരം പൂജപ്പുര ജയിൽ വകുപ്പിന്റെ ഭക്ഷണശാലയിൽ മോഷണം. നാല് ലക്ഷം രൂപ നഷ്ടപ്പെട്ടതായാണ് പ്രാഥമിക നിഗമനം. ഇന്ന് പുലര്ച്ചെയാണ് മോഷണം നടന്ന വിവരം ഉദ്യോഗസ്ഥര് അറിഞ്ഞത്.
ഇന്ന് ട്രഷറിയിൽ അടയ്ക്കാൻ വെച്ചിരുന്ന പണമാണ് മോഷണം പോയതെന്നാണ് ജയിൽ വകുപ്പ് അധികൃതര് പറയുന്നത്. മൂന്ന് ദിവസത്തെ കളക്ഷൻ ഭക്ഷണശാലയിൽ സൂക്ഷിച്ചിരുന്നു ഈ തുകയാണ് നഷ്ടപ്പെട്ടത്. പൂജപ്പുരയിൽ നിന്ന് ജഗതി ഭാഗത്തേക്കുള്ള റോഡരികിലായാണ് കഫറ്റീരിയ പ്രവർത്തിക്കുന്നത്.
തടവുകാര് ഉള്പ്പെടെയാണ് കഫേയിൽ ജോലി ചെയ്യുന്നത്. അതേസമയം സ്ഥലത്ത് ഒരു സി സി ടി വി കാമറ പോലും പ്രവർത്തിക്കുന്നില്ലെന്നാണ് റിപ്പോർട്ട്. താക്കോല് സൂക്ഷിച്ചിരുന്ന ചില്ല് കൂട് തകര്ത്തതിന് ശേഷം താക്കോല് ഉപയോഗിച്ച് ഓഫീസ് റൂമില് നിന്ന് പണം കവര്ന്നത്. സംഭവത്തില് പൂജപ്പുര പൊലീസ് അന്വേഷണം ആരംഭിച്ചു.
