തിരുവനന്തപുരം: തിരുവനന്തപുരത്ത് രണ്ടരക്കിലോ കഞ്ചാവുമായി അതിഥിത്തൊഴിലാളി പിടിയിൽ. വിഴിഞ്ഞത്തിനു സമീപം മുക്കോലയിലാണ് നിന്നാണ് ഇയാളെ പിടികൂടിയത്. അസം സ്വദേശിയായ സുൽത്താൻ അഹമ്മദാണ് (27) അറസ്റ്റിലായത്.
ഇയാൾ പോത്തൻകോട്ടെ കോഴിക്കടയിലെ തൊഴിലാളിയാണ്. ഇന്നലെ രാത്രി പത്തരയോടെയാണ് സംഭവം. വിഴിഞ്ഞം- മുക്കോല സർവീസ് റോഡിലൂടെ കഞ്ചാവ് ബാഗിനുള്ളിലാക്കി പോകുമ്പോഴാണ് ഇയാളെ കസ്റ്റഡിയിലെടുത്തത്. നെയ്യാറ്റിൻകര എക്സൈസ് റെയ്ഞ്ച് ഇൻസ്പെക്ടറും സംഘവുമാണ് ഇയാളെ പിടികൂടിയത്. ഓണം സ്പെഷ്യൽ ഡ്രൈവിന്റെ ഭാഗമായി ദേശീയപാതയിൽ പട്രോളിങ് നടത്തുകയായിരുന്നു എക്സൈസ് സംഘം.
