തിരുവനന്തപുരം: അനന്തപുരി CRPF ജവാൻസ് ചാരിറ്റബിൾ സൊസൈറ്റിയുടെ ആഭിമുഖ്യത്തിൽ ജവാന്മാരുടെ ഓണാഘോഷവും കുടുംബ സംഗമവും വാർഷിക പൊതുയോഗവും അരങ്ങേറി. ആദിത്യ വർമ്മയാണ് (തിരുവിതാംകൂർ രാജകുടുംബാംഗം) പരിപാടിയിൽ മുഖ്യാതിഥിയായി എത്തിയത്.
പാപ്പനംകോട് വാർഡ് കൗൺസിലർ ആശനാദ് പ്രത്യേകാതിഥിയായി പങ്കെടുത്തു. സിനിമ, സീരിയൽ, സോഷ്യൽ മീഡിയ താരങ്ങളും ജവാന്മാരുടെ കുടുംബങ്ങളും പങ്കുചേർന്ന് പരിപാടിയെ ഭംഗിയുറപ്പിച്ചു.
സെക്രട്ടറി പ്രവീൺ PS സ്വാഗതം അറിയിക്കുകയും, പ്രസിഡന്റ് ജയകുമാർ അധ്യക്ഷത വഹിക്കുകയും, ട്രഷറർ ബിജുകുമാർ കൃതജ്ഞത രേഖപ്പെടുത്തുകയും ചെയ്തു. പരിപാടിയുടെ ഭാഗമായി ഓണസദ്യ, വിവിധ കലാ-കായിക മത്സരങ്ങൾ, കുട്ടികളുടെ സാംസ്കാരിക പരിപാടികൾ തുടങ്ങിയവ നടന്നു.
