തിരുവനന്തപുരം: തിരുവനന്തപുരത്ത് മുത്തച്ഛനെ ചെറുമകൻ കുത്തിക്കൊന്നു. തിരുവനന്തപുരം പാലോടാണ് സംഭവം. ഇടിഞ്ഞാര് സ്വദേശി രാജേന്ദ്രന് കാണിയാണ് കൊല്ലപ്പെട്ടത്. 58 വയസായിരുന്നു.
ഇന്നലെ വൈകുന്നേരമാണ് സംഭവം നടന്നത്. സംഭവം നടന്ന ഉടൻ തന്നെ രാജേന്ദ്രൻ കാണിയെ ആശുപത്രിയിൽ എത്തിച്ചെങ്കിലും രക്ഷപ്പെടുത്താൻ സാധിച്ചില്ല. സംഭവത്തിൽ ചെറുമകൻ സന്ദീപിനെ പാലോട് പൊലീസ് കസ്റ്റഡിയിലെടുത്തിട്ടുണ്ട്. നാട്ടുകാര് പിടികൂടിയാണ് ഇയാളെ പോലീസിൽ ഏൽപ്പിച്ചത്.
സന്ദീപ് ലഹരിക്ക് അടിമയാണെന്ന് നാട്ടുകാർ പറയുന്നത്. ചെറുമകനുമായി പ്രശ്നം ആയതിനെത്തുടർന്ന് ഏറെ നാളായി രാജേന്ദ്രൻ മാറിയാണ് താമസിച്ചിരുന്നത്. കഴിഞ്ഞ ദിവസം ഉണ്ടായ വാക്കുതർക്കമാണ് കൊലപാതകത്തിലേക്ക് നയിച്ചതെന്നാണ് പുറത്തുവരുന്ന വിവരം.
