തിരുവനന്തപുരം: തിരുവനന്തപുരത്ത് സ്കൂൾ ബസ് വയലിലേക്ക് മറിഞ്ഞു. വെഞ്ഞാറമൂട് വാമനപുരത്താണ് സംഭവം നടന്നത്. പരപ്പാറ നോബിൾ സ്കൂളിന്റെ ബസാണ് മറിഞ്ഞത്.
അപകടത്തിൽ 11 കുട്ടികൾക്ക് പരിക്കേറ്റു. 15 കുട്ടികളാണ് ബസിൽ ഉണ്ടായിരുന്നത്. വണ്ടി തിരിക്കാനായി പിന്നോട്ട് എടുത്തപ്പോഴാണ് അപകടം സംഭവിച്ചത്. പരിക്കേറ്റ കുട്ടികളെ വാമനപുരം പിഎച്ച്സിയിൽ പ്രവേശിപ്പിച്ചു. കുട്ടികളുടെ പരിക്ക് ഗുരുതരമല്ലെന്നാണ് റിപ്പോർട്ട്.
