തിരുവനന്തപുരം: വഴുതയ്ക്കാട് സ്മാർട്ട് റോഡിലെ സൈക്കിൾ ട്രാക്കിൽ സൈക്കിൾ യാത്രക്കാർക്ക് തടസ്സം സൃഷ്ടിക്കുന്ന തരത്തിൽ അനധികൃതമായി വാഹനങ്ങൾ പാർക്ക് ചെയ്യുന്നത് ഒഴിവാക്കണമെന്ന് തിരുവനന്തപുരം ജില്ലാ കളക്ടർ. വാഹനങ്ങൾ പാർക്ക് ചെയ്യുന്നത് ട്രാക്കിന് കേടുപാടുകൾ സംഭവിക്കാൻ ഇടയാക്കും.
ഈ വിഷയത്തിൽ കർശന നിരീക്ഷണം ഉണ്ടായിരിക്കുമെന്നും നിയമലംഘനം നടത്തുന്നവർക്കെതിരെ പിഴ ഈടാക്കുന്നത് ഉൾപ്പെടെയുള്ള കർശന നടപടികൾ സ്വീകരിക്കുമെന്നും ജില്ലാ കളക്ടർ അറിയിച്ചു.
