തിരുവനന്തപുരം: തിരുവനന്തപുരത്ത് കഞ്ചാവും എംഡിഎംഎയുമായി രണ്ട് പേർ പിടിയിൽ. കോവളം സ്വദേശി നന്ദു (30), മണക്കാട് സ്വദേശി ജിതിനും(39) ആണ് പിടിയിലായത്. എക്സൈസ് സംഘമാണ് ഇവരെ പിടികൂടിയത്.
ഇവരിൽ നിന്ന് 11 ഗ്രാം എംഡിഎംഎയും 105 ഗ്രാം കഞ്ചാവും കണ്ടെടുത്തു. ബെംഗളൂരുവിൽ നിന്ന് മയക്കുമരുന്ന് തിരുവനന്തപുരത്തെത്തിച്ച് വിൽപ്പന നടത്തുന്നവരാണ് ഇവർ. ജില്ലയുടെ തീരദേശ മേഖല കേന്ദ്രീകരിച്ച് മയക്കുമരുന്ന് വ്യാപനം തടയാനായി എക്സൈസ് നടത്തിയ വ്യാപക പരിശോധനയിലാണ് ഇവരെ പിടികൂടിയത്. സമാനമായ കേസിൽ നേരത്തെ തന്നെ ഇരുവരും പിടിക്കപ്പെട്ടിട്ടുണ്ടെന്ന് എക്സൈസ് ഉദ്യോഗസ്ഥർ പറയുന്നു.
