തിരുവനന്തപുരം: തിരുവനന്തപുരം മാറനല്ലൂരിൽ മോഷണം പതിവാകുന്നു. കഴിഞ്ഞ രണ്ടു മാസത്തിനിടയില്‍ 15-ലേറെ മോഷണങ്ങളാണ് മാറനല്ലൂരില്‍ മാത്രം റിപ്പോര്‍ട്ട് ചെയ്യപ്പെട്ടത്. ഇപ്പോഴിതാ കഴിഞ്ഞ ദിവസം മാറനല്ലൂരിൽ വീട് കുത്തിത്തുറന്ന് മോഷണം നടന്നിരിക്കുകയാണ്.
പുന്നവൂര്‍ സ്വദേശി വിജയബാബുവിന്റെ വീട് കുത്തിത്തുറന്നാണ് മോഷണം നടത്തിയത്. 40 പവന്‍ സ്വർണ്ണമാണ് ഇവിടെ ഇന്ന് കള്ളന്മാർ കവർന്നത്. വീട്ടുകാര്‍ പള്ളിയില്‍ പോയ സമയത്താണ് മോഷണം നടന്നതെന്നാണ് ലഭിക്കുന്ന വിവരം. സംഭവത്തിൽ പോലീസ് അന്വേഷണം ആരംഭിച്ചു.
