തിരുവനന്തപുരം: അണ്ടൂർക്കോണം പഞ്ചായത്തിന്റെ ഭരണം തിരിച്ചു പിടിക്കാൻ യുവനിരയെ ഇറക്കി കോൺഗ്രസ്. സ്ഥാനാർത്ഥി നിർണ്ണയം കഴിഞ്ഞ 16 വാർഡുകളിലും പുതുമുഖങ്ങളായ യുവാക്കളെയും യുവതിയെയും ഇപ്രാവശ്യം രംഗത്തിറക്കുകയാണ്. അലോസരങ്ങളില്ലാതെ, വിമത ശല്യം ഇല്ലാതെ സ്ഥാനാർഥിനിർണയം നടത്താൻ യുഡിഎഫിനായി എന്ന ചാരിതാർത്ഥ്യത്തിലാണ് മണ്ഡലത്തിലെ പ്രമുഖ നേതാക്കൾ.
വളരെ വിജയ പ്രതീക്ഷയിൽ ആണെന്ന് പഞ്ചായത്തിന്റെ മുൻ മെമ്പർ കൂടിയായ ആർ അർച്ചന പറഞ്ഞു. അർച്ചന ഗാന്ധി സ്മാരകംപാടിൽ ഇപ്രാവശ്യം ജനവിധി തേടുന്നു. പ്രമുഖ നേതാക്കന്മാർ ഇപ്രാവശ്യത്തെ പഞ്ചായത്ത് ഇലക്ഷനിൽ നിന്നും വിട്ടുനിൽക്കാൻ തീരുമാനിച്ചത് നല്ല കാര്യമാണെന്ന് ഭൂരിഭാഗം പ്രവർത്തകരും പ്രസ് ക്ലബ് വാർത്തയോട് പറഞ്ഞു.
