തിരുവനന്തപുരം: തിരുവനന്തപുരം ജില്ലയിൽ യെല്ലോ അലർട്ട് പ്രഖ്യാപിച്ചിരിക്കുന്ന സാഹചര്യത്തിലും ഡാമുകളിലേക്കുള്ള നീരൊഴുക്ക് കൂടിയതിനാലും പേപ്പാറ, അരുവിക്കര ഡാമുകളുടെ ഷട്ടറുകൾ ഇന്ന് (9.11.2025) വൈകുന്നേരം ഉയർത്തും.
പേപ്പാറ ഡാമിന്റെ 1 മുതൽ 4 വരെയുള്ള ഷട്ടറുകൾ 10 സെന്റീമീറ്റർ വീതം (ആകെ 40 സെന്റീമീറ്റർ) വൈകുന്നേരം അഞ്ചുമണിക്കും അരുവിക്കര ഡാമിന്റെ 1 മുതൽ 5 വരെയുള്ള ഷട്ടറുകൾ 15 സെന്റീമീറ്റർ വീതം ( മുമ്പ് തുറന്ന 25 സെന്റീമീറ്റർ ഉൾപ്പെടെ ആകെ 100 സെന്റീമീറ്റർ) വൈകിട്ട് 4 മണിക്കും തുറക്കും. ഡാമിന്റെ സമീപപ്രദേശങ്ങളിൽ താമസിക്കുന്നവർ ജാഗ്രത പുലർത്തണമെന്ന് ജില്ലാ കളക്ടർ അറിയിച്ചു.
