തിരുവനന്തപുരം: തിരുവനന്തപുരം വർക്കല ബീച്ചിൽ വിനോദസഞ്ചാരിക്ക് തെരുവുനായയുടെ കടിയേറ്റു. ഇറ്റാലിയൻ സ്വദേശിനിക്കാണ് കടിയേറ്റത്. തീരത്ത് വിശ്രമിക്കുന്നതിനിടയിലാണ് തെരുവുനായ വിദേശ വനിതയെ ആക്രമിച്ചത്. ഇവരെ വർക്കല താലൂക്ക് ആശുപത്രിയിൽ പ്രവേശിപ്പിച്ചു.
ഇറ്റാലിയൻ സ്വദേശിയായ ഫ്ലാബിയക്കാണ് തെരുവുനായയുടെ കടിയേറ്റത്. നഗരത്തിലെ വിവിധ വിനോദസഞ്ചാര കേന്ദ്രങ്ങളിൽ തെരുവുനായയുടെ ആക്രമണം വർധിക്കുകയാണ്. കോവളം, വർക്കല തുടങ്ങി വിനോദസഞ്ചാര കേന്ദ്രങ്ങളിൽ എത്തുന്ന നിരവധി പേർക്കാണ് തെരുവുനായയുടെ ആക്രമണം ഉണ്ടാവുന്നത്.
