തിരുവനന്തപുരം: 30-ാമത് കേരള രാജ്യാന്തര ചലച്ചിത്രമേളയുടെ ഉദ്ഘാടന ചിത്രമായി ആന്മേരി ജാസിര് സംവിധാനം ചെയ്ത ‘പലസ്തീന് 36’ എന്ന ചിത്രം പ്രദര്ശിപ്പിക്കും. മാൻഡേറ്റ് കാലഘട്ടത്തിൽ പലസ്തീനിലെ ബ്രിട്ടീഷ് കൊളോണിയൽ ഭരണത്തിനെതിരായ 1936-1939 അറബ് കലാപത്തെയാണ് ഈ ചിത്രം വിവരിക്കുന്നത്.
ഗ്രാമീണനായ യൂസഫിന്റെ ജീവിതസംഘര്ഷങ്ങളും, ജെറുസലേമിലെ കലാപസാഹചര്യങ്ങളുമാണ് ചിത്രത്തിന്റെ പ്രധാന പ്രമേയം. ബ്രിട്ടീഷ് ഭരണത്തിനും സയണിസത്തിനുമെതിരെ പലസ്തീന് കലാപം ആരംഭിച്ച വര്ഷമാണ് ചിത്രത്തിന്റെ പേരില് സൂചിപ്പിച്ചിരിക്കുന്നത്.
2025 ലെ ടൊറന്റോ ഇന്റർനാഷണൽ ഫിലിം ഫെസ്റ്റിവലിലെ ഗാല പ്രസന്റേഷൻസ് വിഭാഗത്തിൽ സെപ്റ്റംബർ 5 ന് ഈ ചിത്രത്തിന്റെ വേൾഡ് പ്രീമിയർ നടന്നു, 20 മിനിറ്റ് സ്റ്റാൻഡിംഗ് ഒവേഷൻ . ഔദ്യോഗിക സെലക്ഷൻ ബിഎഫ്ഐ ലണ്ടൻ ഫിലിം ഫെസ്റ്റിവൽ 2025 ന്റെ ഭാഗമായി യൂറോപ്യൻ പ്രീമിയർ ലഭിച്ചു. 2025 ഒക്ടോബർ 31 ന് യുണൈറ്റഡ് കിംഗ്ഡത്തിൽ കഴ്സൺ ഫിലിം ആണ് ചിത്രം റിലീസ് ചെയ്തത് . 2025 നവംബറിൽ ടോക്കിയോ ഇന്റർനാഷണൽ ഫിലിം ഫെസ്റ്റിവലിൽ ഇത് മികച്ച ചിത്രത്തിനുള്ള പുരസ്കാരം നേടി. 98 -ാമത് അക്കാദമി അവാർഡുകളിൽ മികച്ച അന്താരാഷ്ട്ര ഫീച്ചർ ഫിലിമിനുള്ള പലസ്തീൻ എൻട്രിയായി ഇത് തിരഞ്ഞെടുക്കപ്പെട്ടു .
വികാരനിര്ഭരമായ കുടുംബ ബന്ധങ്ങളെ അവതരിപ്പിച്ച ആന്മേരി ജാസിറിന്റെ ‘വാജിബും’ ഇത്തവണ ഐ.എഫ്.എഫ്.കെ വേദിയില് പ്രദര്ശിപ്പിക്കും. 2017-ല് ചിത്രത്തിന് ഐ.എഫ്.എഫ്.കെയില് സുവര്ണചകോരം ലഭിച്ചിരുന്നു.
