തിരുവനന്തപുരം: റെക്കോർഡ് ഭേദിച്ച് സ്വർണവിലയുടെ കുതിപ്പ് തുടരുന്നു. രാവിലെ റെക്കോർഡ് വിലയിലായിരുന്നു സ്വർണവില. രാവിലെ പവന് 600 രൂപയാണ് വർദ്ധിച്ചത്. ഒരു പവൻ 22 കാരറ്റ് സ്വർണത്തിന്റെ വിപണി വില 98,800 രൂപയായിരുന്നു. ഗ്രാമിന് 75 രൂപ കൂടി 12350 രൂപയില് എത്തിയിരുന്നു. എന്നാൽ ഉച്ചയ്ക്ക് വീണ്ടും സ്വർണ്ണ വില വർധിക്കുന്ന അവസ്ഥയാണ് എത്തിനില്ക്കുന്നു.
ഒരു പവൻ 22 കാരറ്റ് സ്വർണത്തിന്റെ വിപണി വില നിലവിൽ 99,280 രൂപയാണ്. ഉച്ചയ്ക്ക് 360 രൂപയാണ് വർധിച്ചത്. സ്വർണവില ഓരോ ദിവസവും കൂടിയും കുറഞ്ഞും മാറി മാറി വരുന്ന സ്ഥിതിയാണ് ഇപ്പോഴുള്ളത്. ഏറ്റവും കുറഞ്ഞ പണിക്കൂലിയായ 5 ശതമാനവും ജിഎസ്ടി മൂന്ന് ശതമാനവും ഹാൾമാർക്കിങ് ചാർജും ചേർത്താൽ ഇന്ന് ഒരു പവൻ സ്വർണാഭരണം വാങ്ങാൻ ഒന്നര ലക്ഷത്തിന് അടുത്ത് നൽകണം.
വെള്ളിയാഴ്ച സർവകാല റെക്കോർഡിലെത്തിയശേഷം ശനിയാഴ്ച സ്വർണവിലയിൽ നേരിയ ഇടിവുണ്ടായിരുന്നു. ഇതിനു പിന്നാലെയാണ് വീണ്ടും വിലയിൽ വർദ്ധനവുണ്ടായത്. വെള്ളിയുടെ വിലയും വർധിക്കുകയാണ്. ഒരു ഗ്രാമിന് 198 രൂപയും 10 ഗ്രാമിന് 1980 രൂപയുമാണ് ഇന്നത്തെ വെള്ളിവില.
