തിരുവനന്തപുരം: തിരുവനന്തപുരത്ത് കാർ യാത്രികരായ കുടുംബത്തെ അക്രമിച്ച യുവാവ് അറസ്റ്റിൽ. പിരപ്പൻകോട് അജി വിലാസത്തിൽ അജിയാണ്(45) അറസ്റ്റിലായത്. കഴിഞ്ഞ ദിവസമാണ് സംഭവം നടന്നത്.
വെഞ്ഞാറമൂട് പുത്തൻപാലം റോഡിൽ പിരപ്പൻകോട് വച്ചായിരുന്നു ആക്രമണം നടന്നത്. യുവതിയ്ക്കും കുടുംബത്തിന് നേരെയാണ് ആക്രമണം നടന്നത്. യുവതിയാണ് കാർ ഓടിച്ചിരുന്നത്. കാർ ഓടിക്കുന്നതിനിടെ പെട്ടെന്ന് വാഹനത്തിന്റെ എൻജിൻ ഓഫ് ആകുകയായിരുന്നു.
പിരപ്പൻകോട് ജംഗ്ഷൻ എത്തിയപ്പോഴാണ് കാർ ഓഫ് ആയത്. ഇതോടെ റോഡരുകിൽ നിൽക്കുകയായിരുന്ന പ്രതി കാറിൽ അടിച്ച് ബഹളം വയ്ക്കുകയും അസഭ്യം വിളിക്കുകയും ചെയ്തു. ഇത് ചോദ്യം ചെയ്തതിനെ തുടർന്ന് യുവതിയെയും കാറിലുണ്ടായിരുന്ന മക്കളെയും യുവതിയുടെ സഹോദരിയെയും മർദ്ദിക്കുകയായിരുന്നു.
