തിരുവനന്തപുരം: തിരുവനന്തപുരത്ത് വിദ്യാർത്ഥിനിക്ക് നേരെ ലൈംഗികാതിക്രമം നടത്തിയ അധ്യാപകൻ അറസ്റ്റിൽ. തിരുവനന്തപുരം പൂജപ്പുരയിലാണ് സംഭവം. ട്യൂഷൻ ക്ലാസിൽവെച്ചാണ് സംഭവം നടന്നത്. കരിക്കകം സ്വദേശി സുബിൻ സ്റ്റെല്ലസാണ് അറസ്റ്റിലായത്.
പ്ലസ് ടു വിദ്യാർത്ഥിനിക്ക് നേരെയാണ് ഇയാൾ ലൈംഗികാതിക്രമം നടത്തിയത്. ഡിസംബർ 31 നായിരുന്നു സംഭവം. 17കാരി പഠനവുമായി ബന്ധപ്പെട്ട സംശയങ്ങൾ ചോദിക്കാനായി സുബിൻ സ്റ്റെല്ലസിനടുത്ത് എത്തിയതായിരുന്നു. അപ്പോഴേക്കും മറ്റ് കുട്ടികൾ ക്ലാസ് കഴിഞ്ഞുപോയിരുന്നു. ഈ നേരം ഇയാൾ പെൺകുട്ടിയെ പീഡിപ്പിക്കാൻ ശ്രമിച്ചു.
തുടർന്ന് പേടിച്ച അവിടെ നിന്ന് ഓടിയ പെൺകുട്ടി വീട്ടിലെത്തി രക്ഷാകർത്താക്കളോട് ഇക്കാര്യം പറയുകയായിരുന്നു. ഇതിനു പിന്നാലെ രക്ഷിതാക്കൾ പൊലീസിൽ പരാതി നൽകുകയും രഹസ്യമൊഴി രേഖപ്പെടുത്തുകയുമായിരുന്നു. നാല് വർഷമായി പൂജപ്പുര കേന്ദ്രീകരിച്ച് ട്യൂഷൻ സെന്റർ നടത്തുന്നയാളാണ് സുബിൻ സ്റ്റെല്ലസ്.
