തിരുവനന്തപുരം: തിരുവനന്തപുരം വർക്കലയിൽ വിദ്യാർത്ഥികൾ തമ്മിൽ സംഘട്ടനം. ഒമ്പതാം ക്ലാസ് വിദ്യാർത്ഥികൾ തമ്മിലാണ് സംഘട്ടനം ഉണ്ടായത്. വർക്കലയിലെ പ്രമുഖ സ്വകാര്യ വിദ്യാലയത്തിലെ വിദ്യാർത്ഥികൾ തമ്മിലാണ് സംഘർഷം ഉണ്ടായത്.
സ്കൂളിലെ ശുചിമുറിയിൽ വച്ചായിരുന്നു ആക്രമണം. ഷൂസ് തട്ടി കളിക്കുന്നതുമായി ബന്ധപ്പെട്ടുള്ള തർക്കമാണ് അടിയിൽ കലാശിച്ചതെന്നാണ് പുറത്തുവരുന്ന വിവരം. സംഘർഷത്തിൽ ഒരു വിദ്യാർഥിയുടെ താടിയെല്ല് പൊട്ടി. കുട്ടിയെ തിരുവനന്തപുരത്തെ സ്വകാര്യ ആശുപത്രിയിൽ പ്രവേശിപ്പിച്ചു.
