തിരുവനന്തപുരം: ചാന്നങ്കര എംഇഎസ് മൗലാന ആസാദ് സെക്കൻഡറി സ്കൂൾ വാർഷികം നാളെ. 33-ാമത് വാർഷികാഘോഷമാണ് DRISHYA2K26 എന്ന പേരിൽ നാളെ അരങ്ങേറുന്നത്. ചലച്ചിത്ര നടന്മാരായ നന്ദു, അപ്പ ഹാജ എന്നിവർ വിശിഷ്ടതിഥികളായി പങ്കെടുക്കും.
വൈകുന്നേരം മൂന്ന് മണിക്ക് ആരംഭിക്കുന്ന പൊതുയോഗത്തിൽ ചെയർമാൻ പ്രൊഫസർ ഇബ്രാഹിം റാവുത്തർ അധ്യക്ഷത വഹിക്കും. എം.ഇ.എസ്. സ്റ്റേറ്റ് സെക്രട്ടറി ഡോ. റഹീം ഫസൽ പരിപാടി ഉദ്ഘാടനം ചെയ്യും. സ്കൂൾ പ്രിൻസിപ്പൽ അൻസർഷ വാർഷിക റിപ്പോർട്ട് അവതരിപ്പിക്കും.
തുടർന്ന് 2025 എസ് എസ് എൽ സി പരീക്ഷയിൽ ഉന്നത വിജയം കരസ്ഥമാക്കിയവരെയും സ്കൂൾ, ക്ലാസ് ടോപ്പർമാരെയും ചാമ്പ്യൻ ഹൗസിനേയും ആദരിക്കും. തുടർന്ന് വിദ്യാർഥികളുടെ കലാപരിപാടികൾ അരങ്ങേറും.
