തിരുവനന്തപുരം: തിരുവനന്തപുരത്ത് മക്കൾ വൃദ്ധയായ അമ്മയെ ഉപേക്ഷിച്ച നിലയിൽ. മരിയാപുരത്താണ് സംഭവം. വൃദ്ധയായ അമ്മയെ മക്കൾ വീട്ടിനുള്ളിൽ പൂട്ടിയിട്ട നിലയിലായിരുന്നു. ഇവർക്ക് കഴിക്കാൻ ഭക്ഷണമോ വെള്ളമോ നൽകിയിരുന്നില്ല.
വീടിനുള്ളിൽ നിലത്ത് പായിൽ കിടക്കുന്ന നിലയിലായിരുന്നു ഇവരെ കണ്ടെത്തിയത്. അയൽവാസികളാണ് വൃദ്ധയെ അവശനിലയിൽ കണ്ടെത്തിയത്. ഇവരുടെ മക്കൾ അമ്മയെ കൂടെ താമസിപ്പിച്ചിരുന്നില്ല. ഇവർ അടുത്തുള്ള വീടുകളിലായിരുന്നു താമസം.
സാമൂഹ്യ പ്രവർത്തകർ വിവരമറിഞ്ഞ് എത്തിയതോടെയാണ് വൃദ്ധയുടെ ദുരവസ്ഥ പുറംലോകം അറിയുന്നത്. വീടിനുള്ളിൽ വയോധിക ഉണ്ടെന്ന വിവരം നാട്ടുകാർ പോലും ആദ്യം അറിഞ്ഞിരുന്നില്ല. തുടർന്നാണ് വിവരം പോലീസിൽ അറിയിക്കുന്നത്. തുടർന്ന് പൊലീസ് സ്ഥലത്തെത്തി തുടർനടപടികൾ സ്വീകരിച്ചു.
