തിരുവനന്തപുരം: ശബരിമല ക്ഷേത്രത്തില് ആടിയ ശിഷ്ടം നെയ്യ് വില്പനയില് ക്രമക്കേട് നടന്നെന്ന പരാതിയില് പ്രതി അറസ്റ്റില്. ആലപ്പുഴ അരൂര് സ്വദേശി കെ.ആര്. സുനില്കുമാര് പോറ്റിയെയാണ് ബുധനാഴ്ച വിജിലന്സ് അറസ്റ്റ് ചെയ്തത്. നെയ്യ് വില്പനയ്ക്ക് ദേവസ്വം ബോര്ഡ് ചുമതലപ്പെടുത്തിയിരുന്ന ആളാണ് സുനില് കുമാര് പോറ്റി. നെയ്യ് വില്പനയില് ക്രമക്കേട് നടത്തി 36 ലക്ഷത്തോളം രൂപ തട്ടിയെടുത്തെന്നാണ് കേസ്.
മണ്ഡല മകരവിളക്ക് മഹോത്സവത്തോടനുബന്ധിച്ച് ശബരിമലയില് ആടിയ ശിഷ്ടം നെയ്യ് പാക്കറ്റിലാക്കി വില്പന നടത്തുന്നതിന് സുനില് കുമാറിനെയാണ് ദേവസ്വം ബോര്ഡ് ചുമതലപ്പെടുത്തിയിരുന്നത്. എന്നാല്, നെയ്യ് പായ്ക്കറ്റുകള് വിറ്റുകിട്ടിയ മുഴുവന് തുകയും ബോര്ഡില് അടയ്ക്കാതെ ജീവനക്കാര് സ്റ്റോക്കില് കൃത്രിമം നടത്തി ബോര്ഡിനു 36,24,400 രൂപ ബാധ്യതയുണ്ടാക്കിയെന്നാണ് കേസ്. വിജിലന്സാണ് കേസ് രജിസ്റ്റര് ചെയ്തിരുന്നത്.
