കൊല്ക്കത്ത: ഓണറേറിയം ഉയര്ത്തണമെന്നാവശ്യപ്പെട്ട് പശ്ചിമ ബംഗാളില് ആശവര്ക്കര്മാരുടെ പ്രതിഷേധം. ഇടക്കാല ബജറ്റില് പ്രഖ്യാപിച്ച ഓണറേറിയത്തില് മതിയായ വര്ധനവുണ്ടായില്ലെന്ന് ഉയര്ത്തിക്കാട്ടിയാണ് പ്രതിഷേധം. 1000 രൂപയാണ് സര്ക്കാര് വര്ദ്ധിപ്പിച്ചത്. പ്രതിമാസം കുറഞ്ഞത് 15000 രൂപ ഓണറേറിയം ലഭിക്കണമെന്ന് ആവശ്യപ്പെട്ടുകൊണ്ട് നൂറ്കണക്കിന് ആശവര്ക്കര്മാര് തെരുവിലിറങ്ങി പ്രതിഷേധിച്ചു. ബംഗാളിലെ ആരോഗ്യ വകുപ്പ് ആസ്ഥാനമായ സ്വാതിഭവന് മുന്പിലായിരുന്നു സമരം. ഇന്നലെ മമത ബാനര്ജി സര്ക്കാര് പ്രഖ്യാപിച്ച ഇടക്കാല ബജറ്റില് ആശാ വര്ക്കര്മാരുടെ ഓണറേറിയം പ്രതിമാസം 6250 രൂപയായി ഉയര്ത്തിയിരുന്നു.
