ബെംഗളൂരു: പ്രമുഖ വിനോദ സഞ്ചാര കേന്ദ്രമായ നന്ദിഹില്സില് പ്രണയദിനത്തില് സന്ദര്ശകര്ക്ക് പ്രവേശനമുണ്ടാവുകയില്ല. ഫെബ്രുവരി 14-ന് രാവിലെ ആറു മുതല് വൈകീട്ട് ആറുവരെയാണ് സന്ദര്ശനവിലക്ക് ഏര്പ്പെടുത്തിയിരിക്കുന്നത്. അന്നേ ദിവസം ക്രമസമാധാന പ്രശ്നങ്ങള്ക്ക് സാധ്യതയുണ്ടെന്ന് വിലയിരുത്തിക്കൊണ്ടാണ് നിരോധനം. ബെംഗളൂരുവിനു സമീപമുള്ള ഏറ്റവും പ്രധാന ഹില്സ്റ്റേഷനായ നന്ദിഹില്സിലേക്ക് ദിവസേന നൂറു കണക്കിന് സഞ്ചാരികളാണ് എത്തുന്നത്.
