തിരുവനന്തപുരം: യുഡിഎഫ് കണ്വീനര് അടൂര് പ്രകാശിനെ ശബരിമല സ്വര്ണക്കൊള്ള കേസില് എസ്ഐടി ചോദ്യം ചെയ്യുന്നു. പൊലീസ് ആസ്ഥാനത്താണ് ചോദ്യം ചെയ്യല് നടക്കുന്നത്. സ്വര്ണക്കൊള്ളയിലെ മുഖ്യപ്രതി ഉണ്ണികൃഷ്ണന് പോറ്റിയുമായുള്ള ബന്ധം എസ്ഐടി ചോദിച്ചറിയുന്നുണ്ട്. ശബരിമലയില് മോഷ്ടിക്കപ്പെട്ട സ്വര്ണം വാങ്ങിയവരും വിറ്റവരും തമ്മിലുള്ള ബന്ധം, അടൂര് പ്രകാശ് പല സ്ഥലങ്ങളില് ഇവരുമായി കൂടിക്കാഴ്ച നടത്തിയ സാഹചര്യം, പാരിതോഷികങ്ങള് കൈപ്പറ്റിയ സാഹചര്യം ഉള്പ്പെടെയുള്ള കാര്യങ്ങളില് എസ്ഐടിയുടെ വിശദമായ ചോദ്യം ചെയ്യലുണ്ടാകുമെന്നാണ് ലഭിക്കുന്ന വിവരം.
ശബരിമല സ്വര്ണക്കൊള്ള കേസിലെ ഒന്നാം പ്രതി ഉണ്ണികൃഷ്ണന് പോറ്റി ശബരിമലയില് സദ്യയും അന്നദാനവും സ്പോണ്സര് ചെയ്തതിന്റെ ദൃശ്യങ്ങളും പുറത്തുവന്നിരുന്നു. അടൂര് പ്രകാശായിരുന്നു സദ്യ ഉദ്ഘാടനം ചെയ്തത്.
