തിരുവനന്തപുരം: തിരുവനന്തപുരം പാളയത്ത് പെട്രോള് പമ്പില് കവര്ച്ച. ഇന്ന് പുലര്ച്ചെയാണ് സംഭവം നടന്നത്. പമ്പിലെ ഓഫീസ് കുത്തിതുറന്നാണ് കവര്ച്ച നടത്തിയത്. രണ്ടു ദിവസത്തെ കളക്ഷൻ തുകയായ ഒന്നര ലക്ഷം രൂപ മോഷണം പോയി. അവധി ആയതിനാല് കഴിഞ്ഞ രണ്ടു ദിവസത്തെ പണം ബാങ്കില് നിക്ഷേപിച്ചിരുന്നില്ല.
വാതില് സ്ക്രൂ ഡ്രൈവര് ഉപയോഗിച്ച് കുത്തിത്തുറന്നാണ് കള്ളന് അകത്തുകടന്നത്. പിന്നീട് അലമാര കുത്തിത്തുറന്ന് പണമെടുക്കുകയായിരുന്നു. സംഭവത്തിൽ സിസിടിവി ദൃശ്യത്തിന്റെ അടിസ്ഥാനത്തില് പൊലീസ് അന്വേഷണം ആരംഭിച്ചു.
