തിരുവനന്തപുരം: വർക്കല ജില്ലാ ആയുർവേദ ആശുപത്രിയിലെ ചീഫ് മെഡിക്കൽ ഓഫീസർ സർവീസിൽ നിന്നും വിരമിച്ചു. 24 വർഷത്തെ സേവനത്തിനു ശേഷമാണ് അദ്ദേഹം തന്റെ ഔദ്യോഗിക ജീവിതത്തിൽ നിന്നും വിരമിക്കുന്നത്.
പത്തനംതിട്ട ജില്ലാ ആയുർവേദ ആശുപത്രി, ചേരമാൻ തുരുത്ത് ഡിസ്പെൻസറി, നേമം ആയുർവേദ ഡിസ്പെൻസറി, എറണാകുളം ജില്ലാ ആശുപത്രി എന്നിവിടങ്ങളിൽ സ്തുത്യർഹമായ സേവനം നടത്തിയ ഡോക്ടർക്ക് സംസ്ഥാന സർക്കാരിൻ്റെ മികച്ച ഡോക്ടർക്കുള്ള അവാർഡ് ഉൾപ്പെടെ അനേകം പുരസ്കാരങ്ങളും ലഭിച്ചിട്ടുണ്ട്. വിവിധ സംഘടനകളുടെ നേതൃനിരയിലും വ്യക്തിമുദ്ര പതിപ്പിച്ച ഡോക്ടർ അറിയപ്പെടുന്ന ഒരു പുസ്തക രചയിതാവുമാണ്. ആയിരത്തിലധികം ലേഖനങ്ങൾ വിവിധ മാധ്യമങ്ങളിൽ പ്രസിദ്ധീകരിച്ചിട്ടുണ്ട്. ശ്രീജ ആണ് ഭാര്യ. ഡോ ഫൈസൽ ഖാൻ, ഫിറോസ് ഖാൻ എന്നിവർ മക്കളാണ്.
