തിരുവനന്തപുരം: വട്ടിയൂർക്കാവിനെ കൈപിടിയിൽ ഒതുക്കി യുഡിഎഫ് സ്ഥാനാര്ഥി കെ മുരളീധരൻ. 2796 വോട്ടുകളുടെ ഭൂരിപക്ഷം നേടിയാണ് യുഡിഎഫ് സ്ഥാനാര്ഥി വിജയിച്ചത്. എല്ഡിഎഫ് സ്ഥാനാര്ത്ഥി വി.കെ. പ്രശാന്തും മുരളീധരനും തമ്മില് ഇഞ്ചോടിഞ്ച് പോരാട്ടമായിരുന്നു കാഴ്ചവച്ചത്. കടുത്ത ത്രികോണ മത്സരത്തിനാണ് വട്ടിയൂർക്കാവ് ഇത്തവണയും സാക്ഷിയായത്.
കൂടാതെ നെയ്യാറ്റിൻകര നിയോജക മണ്ഡലത്തിൽ കോൺഗ്രസ് സ്ഥാനാര്ഥി എൻ ശക്തന് വിജയം. 6966 വോട്ടുകളുടെ ഭൂരിപക്ഷം നേടിയാണ് സ്ഥാനാര്ഥി വിജയിച്ചത്. അതേസമയം എൻ ഡി എ രണ്ടിടത്ത് വിജയം ഉറപ്പിച്ചിരിക്കുകയാണ്. നേമം മണ്ഡലത്തിൽ രാജീവ് ചന്ദ്രശേഖറും ചാത്തന്നൂരിൽ ബി ബി ഗോപകുമാറും വിജയിച്ചു.
ആറ്റിങ്ങലിൽ എൽ ഡി എഫ് സ്ഥാനാർഥി ഒ എസ് അംബികയും വാമനപുരം മണ്ഡലത്തിൽ
യു ഡി എഫ് സ്ഥാനാർഥി സുധീർഷാ പാലോടും തിരുവനന്തപുരത്ത് യു ഡി എഫ് സ്ഥാനാർഥി
സി പി ജോണും അരുവിക്കരയിൽ എൽ ഡി എഫ് സ്ഥാനാർഥി അഡ്വ ജി സ്റ്റീഫനും വിജയിച്ചു.
