തിരുവനന്തപുരം: തിരുവനന്തപുരത്ത് യുവാവിന്റെ ആത്മഹത്യ ഭീഷണി. സെക്രട്ടറിയേറ്റിലെ മരത്തില്‍ കയറിയാണ് യുവാവിന്റെ ആത്മഹത്യാ ഭീഷണി. നെയ്യാറ്റിന്‍കര സ്വദേശി വിനീതാണ് ആത്മഹത്യ ഭീഷണി മുഴക്കിയത്.
സെക്രട്ടറിയേറ്റിലെ ഗേറ്റ് രണ്ടിന് മുകളിലെ മരത്തില്‍ കയറിയാണ് ഇയാൾ ആത്മഹത്യ ഭീഷണി മുഴക്കിയത്. രണ്ടു മാസത്തെ ശമ്പളം തരാത്തത്തിലുള്ള മനോവിഷണമാണെന്ന് യുവാവ് പറഞ്ഞു. ഹോട്ടൽ ജീവനക്കാരനാണ് ഇയാൾ. പൊറോട്ട അടിയാണ് ജോലി. രണ്ടുമാസമായി ശമ്പളം നല്‍കുന്നില്ലെന്ന് യുവാവ് പറഞ്ഞു.
പൈസ ചോദിച്ചപ്പോള്‍ ഊളന്‍പാറയില്‍ കൊണ്ടുപോകുമെന്ന് പറഞ്ഞുവെന്നും രാവിലെ ഏഴ് മണിക്ക് കേറിയാല്‍ രാത്രി 11 വരെ ജോലി ചെയ്യണമെന്നും ഇയാൾ പറഞ്ഞു. ആയിരം രൂപയാണ് ശമ്പളമായി പറഞ്ഞത്. എന്നാൽ കള്ളക്കണക്കൊക്കെ എഴുതിവെച്ചിട്ട് ഇപ്പോൾ ശമ്പളം തരുന്നില്ലെന്നും യുവാവ് ആരോപിച്ചു.പൊലീസ് അനുനയിപ്പിച്ച് യുവാവിനെ താഴെയിറക്കി.
