കൊച്ചി: സ്മാർട്ട് സിറ്റിയിൽ നിർമാണത്തിലിരുന്ന കെട്ടിടത്തിന്റെ ഒരു ഭാഗം തകർന്ന് വീണ് വൻ അപകടം. സംഭവത്തിൽ ഒരാള്‍ മരിച്ചു. അഞ്ചു പേർക്ക് പരിക്കേറ്റു. കാക്കനാട് സ്മാർട്ട് സിറ്റി പദ്ധതി പ്രദേശത്താണ് അപകടം നടന്നത്. ബിഹാർ സ്വദേശി ഉത്തം ആണ് മരിച്ചത്.
അപകടത്തിൽ പരിക്കേറ്റ അഞ്ചു തൊഴിലാളികളെ ആശുപത്രിയിൽ പ്രവേശിപ്പിച്ചു.കെട്ടിടത്തിന്റെ പണി നടക്കുന്നതിനിടെയാണ് അപകടം നടന്നത്. ഇരുമ്പ് ഫ്രെയിം തൊഴിലാളികളുടെ ദേഹത്തേക്ക് വീഴുകയായിരുന്നു. കെട്ടിടത്തിന്റെ പെയിന്‍റിങ്ങിനായി നിര്‍മിച്ച ഇരുമ്പ് ഫ്രെയിമാണ് തകര്‍ന്ന് വീണത്.
