തിരുവനന്തപുരം: തിരുവനന്തപുരം മുല്ലൂര് ശാന്തകുമാരി വധക്കേസിലെ പ്രതികള്ക്കും വധശിക്ഷ വിധിച്ച് കോടതി. നെയ്യാറ്റിൻകര സെഷൻസ് കോടതിയാണ് മൂന്ന് പ്രതികൾക്ക് വധശിക്ഷ വിധിച്ചത്. കോവളം സ്വദേശി റഫീഖാ ബീവി, മകൻ ഷഫീഖ്, കൂടെ താമസിച്ചിരുന്ന അൽ അമീൻ എന്നിവരെയാണ് കോടതി ശിക്ഷിച്ചത്.
2022 ജനുവരി 14നാണ് കേസിനാസ്പദമായ സംഭവം നടന്നത്. 71കാരിയായ വിഴിഞ്ഞം മുല്ലൂർ ശാന്തകുമാരിയെയാണ് പ്രതികൾ കൊലപ്പെടുത്തിയത്. സ്വർണാഭരണങ്ങൾ കവർന്ന ശേഷം പ്രതികൾ ശാന്തകുമാരിയെ കൊന്ന് വീടിന്റെ മച്ചിൽ ഒളിപ്പിച്ച് കടന്നുകളയുകയായിരുന്നു. ശാന്തകുമാരിയുടെ അയൽവാസികളായിരുന്നു പ്രതികൾ. സംഭവദിവസം പ്രതികൾ ശാന്തകുമാരിയെ വീട്ടിലേക്ക് വിളിച്ചു വരുത്തുകയും തടുർന്ന് സ്വര്ണം കവരുകയുമായിരുന്നു. ഇതിനു ശേഷമാണ് തലക്കടിച്ചു കൊലപ്പെടുത്തിയത്.
