യുഎഇ: ഒമാൻ ഒഴികെയുള്ള ഗൾഫ് രാജ്യങ്ങളിൽ ഇന്ന് ബലി പെരുന്നാൾ. പ്രവാചകനായ ഇബ്രാഹിം നബി (അ)തന്റെ ആദ്യത്തെ പുത്രനായ ഇസ്മാഇൽ (അ)നെ അല്ലാഹുവിന്റെ കല്പന മാനിച്ച് അല്ലാഹുവിൻ്റെ പ്രീതിക്കായി ബലിയറുക്കാൻ ശ്രമിച്ചതിന്റെ ഓർമ പുതുക്കലാണ് ബലി പെരുന്നാൾ.
വിപുലമായ ക്രമീകരണങ്ങളാണ് പള്ളികളിലും ഈദ് ഗാഹുകളിലും പെരുന്നാൾ നമസ്കാരത്തിന് ഒരുക്കിയിരിക്കുന്നത്. മതപ്രഭാഷണങ്ങള്‍ക്കായി കേരളത്തില്‍നിന്നടക്കം മതപണ്ഡിതന്മാര്‍ എത്തിയിരുന്നു. വിവിധ രാജ്യങ്ങളിലെ ഭരണ കർത്താക്കൾ വിശ്വാസികൾക്ക് ആശംസകൾ നേർന്നു. മലയാളത്തിനുപുറമേ തമിഴ്, ഉറുദു, ഇംഗ്‌ളീഷ് ഭാഷകളിലും പെരുന്നാള്‍ ഖുതുബയുണ്ടായി.
