കൊച്ചി: സംവിധായകൻ ഒമര് ലുലുവിനെതിരെ കൂടുതല് ആരോപണങ്ങളുമായി പരാതിക്കാരി. സംവിധായകൻ നൽകിയ മുൻകൂർ ജാമ്യഹർജിയെ എതിർത്ത് നടി ഉപഹർജി നൽകിയിരുന്നു. ഇതിലാണ് സംവിധായകനെതിരെ ആരോപണങ്ങൾ ഉന്നയിച്ചിരിക്കുന്നത്. ഒമർ ലുലു എം.ഡി.എം.എ. കലർത്തിയ പാനീയം നൽകി മയക്കി തന്നെ ബലാൽക്കാരം ചെയ്തെന്ന് നടി പറയുന്നു.
മാത്രമല്ല കേസ് ഒത്തുതീര്പ്പാക്കാനായി ഒമര് ലുലു നിരന്തരം വിളിച്ച് ഭീഷണിപ്പെടുത്തുന്നതായും പരാതിയിൽ പരാമർശിച്ചിരിക്കുന്നു. ഒമർ ലുലു മയക്കുമരുന്നിന് അടിമയാണെന്നും വിവാഹിതനാണെന്ന് മറച്ചുവച്ച് വിവാഹവാഗ്ദാനം നൽകുകയും വരാനിരിക്കുന്ന സിനിമകളിൽ അവസരം വാഗ്ദാനം ചെയ്തുമായിരുന്നു പീഡനമെന്നുമാണ് ഇവർ നൽകിയ പരാതിയിൽ പറയുന്നത്.
