കോഴിക്കോട്: ജനത ഹോട്ടലിലെ സാമ്പാറിൽ നിന്ന് പ്ലാസ്റ്റിക് സഞ്ചി കണ്ടെത്തി. കോഴിക്കോട് ജനത ഹോട്ടലിലെ സാമ്പാറിലാണ് പ്ലാസ്റ്റിക് സഞ്ചി കണ്ടെത്തിയത്. ഇന്ന് ഉച്ചയ്ക്കാണ് സംഭവം നടന്നത്. യുവാവ് ഹോട്ടലിൽ ഉച്ചയൂണ് കഴിക്കാനിരിക്കെയാണ് സാമ്പാറിൽ നിന്ന് പ്ലാസ്റ്റിക് സഞ്ചി കിട്ടിയത്. കോഴിക്കോട് പുറമേരിയിലാണ് സംഭവം നടന്നത്.
ഇതേ തുടർന്ന് യുവാവ് ആരോഗ്യവകുപ്പിന് പരാതി നൽകിയിരുന്നു. യുവാവിന്റെ പരാതിയുടെ അടിസ്ഥാനത്തിലാണ് ആരോഗ്യവകുപ്പിന്റെ നടപടി. പ്ലാസ്റ്റിക് സഞ്ചി കണ്ടതിനെ തുടർന്ന് യുവാവ് ആദ്യം കടക്കാരോട് ഇക്കാര്യം പറയുകയായിരുന്നു. എന്നാൽ കടക്കാർ ഇത് കുഴപ്പോമില്ലെന്നും പ്ളാസ്റ്റിക് സഞ്ചിയല്ലേ എന്നുമാണ് ജീവനക്കാർ യുവാവിനോട് പറഞ്ഞത്. ഇതേ തുടർന്നാണ് യുവാവ് ആരോഗ്യവകുപ്പിന് പരാതി നൽകിയത്.
