മംഗലപുരം : തിരുവനന്തപുരം മംഗലപുരത്ത് യുവാവിനെ വെട്ടി പരിക്കേൽപ്പിച്ചു. മംഗലപുരം എ ജെ കോളേജിന് സമീപം താമസിക്കുന്ന ഷിബുവിനാണ് വെട്ടേറ്റത്. വാക്കുതർക്കമാണ് ആക്രമണത്തിനു കാരണം.
ഇന്നലെ വൈകുന്നേരം 4:30 ഓടെയാണ് സംഭവം നടന്നത്. വിവിധ കേസുകളിലെ പ്രതികളായിട്ടുള്ള തോന്നയ്ക്കൽ സ്വദേശികളായ അൽസാജും ഷാനവാസും ചേർന്നാണ് ഷിബുവിനെ വെട്ടിപരിക്കേൽപ്പിച്ചത്. മദ്യലഹരിയിലായിരുന്ന പ്രതികൾ കാറിൽ വരികവേ അപകടകരമായ രീതിയിൽ വണ്ടി ഓടിക്കുകയും റോഡിൽ കൂടി പോകുകയായിരുന്ന വിദ്യാർത്ഥികളെ വണ്ടി ഇടിക്കാനായി ശ്രമിക്കുകയും ചെയ്തു. ഇത് കണ്ട ഷിബു പ്രതികളോട് തർക്കിക്കുകയും മദ്യ ലഹരിയിലായിരുന്ന പ്രതികൾ ഷിബുവിനെ മർദിച്ച ശേഷം തോളിൽ വെട്ടി പരിക്കേൽപ്പിക്കുകയായിരുന്നു.
