മംഗലപുരം : യുവാവിനെ വെട്ടി പരിക്കേൽപ്പിച്ച കേസിലെ പ്രതികളെ അറസ്റ്റ് ചെയ്തു.തോന്നയ്ക്കൽ എ.ജെ. കോളേജിന് സമീപം അതുല്യ ഭവനിൽ ഷിബുവിനാണ് വെട്ടേറ്റത്. വിവിധ കേസുകളിലെ പ്രതികളായിട്ടുള്ള തോന്നയ്ക്കൽ സ്വദേശികളായ അൽസാജ് (31), ഷാനവാസ്‌ (29), കുട്ടൻ എന്ന് വിളിക്കുന്ന സനൽ കുമാർ (48) എന്നിവരെയാണ് മംഗലപുരം എസ് എച് ഒ ഹേമന്തും സംഘവും ചേർന്ന് അറസ്റ്റ് ചെയ്തത്.വെള്ളിയാഴ്ച വൈകീട്ട് നാലര മണിയോടെയാണ് സംഭവം ഉണ്ടായത്.
മദ്യലഹരിയിലായിരുന്ന പ്രതികൾ അപകടകരമായ രീതിയിൽ കാർ ഓടിക്കുകയും റോഡിൽ കൂടി പോകുകയായിരുന്ന വിദ്യാർത്ഥികളെയും മറ്റും ഇടിക്കാനായി ശ്രമമുണ്ടായി. ഇത് കണ്ട ഷിബു പ്രതികളോട് സംസാരിക്കുന്നതിനിടയിൽ മദ്യ ലഹരിയിലായിരുന്ന പ്രതികൾ ഷിബുവിനെ മർദിച്ച ശേഷം തോളിൽ വെട്ടി പരിക്കേൽപ്പിക്കുകയായിരുന്നു.
പരിക്കേറ്റ ഷിബുവിനെ മെഡിക്കൽ കോളെജ് ആശുപത്രിയിൽ പ്രവേശിപ്പിച്ചു.അറസ്റ്റ് ചെയ്ത പ്രതികളെ കോടതിയിൽ ഹാജരാക്കി റിമാൻഡ് ചെയ്തു
