തിരുവനന്തപുരം ജില്ലയിൽ ശ്രീകാര്യത്തിന് സമീപം പൊങ്ങുംമൂട് ഭർത്താവ് ഭാര്യയേയും മകനേയും കുത്തി പരിക്കേൽപ്പിച്ചു. പൊങ്ങുംമൂട് ബാബുജി നഗർ സ്വദേശിനി അഞ്ജന (39) മകൻ ആര്യൻ (10) എന്നിവർക്കാണ് കുത്തേറ്റത്. രണ്ട് പേരേയും ആശുപത്രിയിൽ പ്രവേശിപ്പിച്ചു.
അഞ്ജനയുടെ ഭർത്താവായ ഉമേഷാണ് കുത്തിയത്. കുടുംബ പ്രശ്നമാണ് സംഭവത്തിന് കാരണമെന്നാണ് പോലീസ് സംശയിക്കുന്നത്. ഇരുവരേയും കുത്തിയ പ്രതി ഉമേഷ് രക്ഷപ്പെടാൻ ശ്രമിക്കുന്നതിനിടെ ശ്രീകാര്യം പൊലീസ് കസ്റ്റഡിയിലെടുത്തിട്ടുണ്ട്
