തിരുവനന്തപുരം: പി.വി അൻവർ എം.എൽ.എയുടെ വെളിപ്പെടുത്തലിൻ്റെ അടിസ്ഥാനത്തിൽ മുഖ്യമന്ത്രി രാജി വയ്ക്കണമെന്നാവശ്യപ്പെട്ട് ആം ആദ്മി പാർട്ടി തിരുവനന്തപുരം ജില്ലാക്കമ്മറ്റിയുടെ നേതൃത്വത്തിൽ പ്രതിഷേധ ജാഥയും പ്രതിഷേധ സമ്മേളനവും നടത്തി. തിരുവനന്തപുരം രക്തസാക്ഷിമണ്ഡപത്തിൽ നിന്ന് ആരംഭിച്ച പ്രതിഷേധ ജാഥ സെക്രട്ടേറിയറ്റിനു മുന്നിൽ പ്രതിഷേധ സമ്മേളനം നടത്തി.
തിരുവനന്തപുരം ജില്ലാ പ്രസിഡൻ്റ് പ്രൊഫസർ ഡോ. റോയി ഏ.ഒ പ്രതിഷേധ പരിപാടികൾ ഉദ്ഘാടനം ചെയ്തു. ജില്ലാ സെക്രട്ടറി സന്തോഷ്കുമാർ റ്റി.എസ് അദ്ധ്യക്ഷത വഹിച്ചു. വൈസ് പ്രസിഡന്റ് ജയേഷ് സ്വാഗതം പറഞ്ഞ ചടങ്ങിൽ ജില്ലാ വൈസ് പ്രസിഡന്റ് മുക്താർ അഹമ്മദ്, നേമം മണ്ഡലം പ്രസിഡന്റ് ശിവരാമൻ തിരുമല തുടങ്ങിയവർ ആശംസകളർപ്പിച്ചു. ജില്ലാ ട്രഷറർ അലീം കൈരളി നന്ദി പറഞ്ഞു.
