തിരുവനന്തപുരം: വർക്കലയിൽ മത്സ്യത്തൊഴിലാളികൾക്ക് വെട്ടേറ്റു. കാറിൽ എത്തിയ സംഘമാണ് മൂന്ന് മത്സ്യത്തൊഴിലാളികളെ ആക്രമിച്ചത്. വര്ക്കല വെട്ടൂര് ജംഗ്ഷനില് വച്ചാണ് സംഭവം നടന്നത്. വർക്കല താഴെവെട്ടൂർ സ്വദേശികളായ ഷംനാദ്, അൽ അമീൻ, നൗഷാദ് എന്നിവർക്കാണ് പരിക്കേറ്റത്. ഇവരെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.
കാറിൽ 5 പേരാണ് ഉണ്ടായിരുന്നത്. മുൻ വൈരാഗ്യം ആയിരിക്കാം ആക്രമണത്തിന് പിന്നില്ലെന്നാണ് നിഗമനം. സംഭവത്തിൽ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. കാറിലെത്തിയവരെ കണ്ടെത്താനുള്ള ശ്രമത്തിലാണ് പൊലീസ്.
