കൊച്ചി: നടിയെ ആക്രമിച്ച കേസിൽ വീണ്ടും ഹർജി സമർപ്പിച്ച് അതിജീവിത. അന്തിമവാദം തുറന്ന കോടതിയിൽ വേണമെന്ന് ആവശ്യപ്പെട്ടാണ് അതിജീവിത ഹർജി സമർപ്പിച്ചത്. വിചാരണ കോടതിയിലാണ് അതിജീവിത ഈ ആവശ്യം ഉന്നയിച്ച് ഹർജി സമർപ്പിച്ചത്.
കേസിന്റെ അന്തിമവാദം തുടങ്ങിയിരുന്നു. ഇതിനു പിന്നാലെയാണ് നടിയുടെ തീരുമാനം. വിചാരണയുമായി ബന്ധപ്പെട്ട് തനിക്കെതിരെ തെറ്റായ കാര്യങ്ങൾ പ്രചരിക്കുന്നുണ്ട്. കോടതിയിൽ നടക്കുന്ന കാര്യങ്ങൾ പൊതുസമൂഹം കൂടി അറിയട്ടെയെന്നും ഇതിൽ തൻ്റെ സ്വകാര്യതയുടെ വിഷയങ്ങളൊന്നുമില്ലെന്നാണ് അതിജീവിത കോടതിയിൽ പറഞ്ഞിരിക്കുന്നത്.
