തിരുവനന്തപുരം: തിരുവനന്തപുരം നെടുമങ്ങാട് ടുറിസ്റ്റ് ബസ് മറിഞ്ഞ് അപകടം. അപകടത്തിൽ ഒരാൾ മരിച്ചു. 60 വയസുളള ദാസിനിയാണ് മരിച്ചത്. നെടുമങ്ങാട് ഇരിഞ്ചയത്ത് വച്ചാണ് അപകടം നടന്നത്.
ഇന്നലെ രാത്രി 10 .20 ഓടെയായിരുന്നു അപകടം. കാട്ടാക്കട പെരുങ്കടവിളയിൽ നിന്നും മൂന്നാറിലേക്ക് വിനോദയാത്ര പോയവരാണ് അപകടത്തിൽപെട്ടത്. 49 പേരാണ് ബസിൽ ഉണ്ടായിരുന്നത്. അപകടത്തിൽ നിരവധി പേർക്ക് പരിക്കേറ്റിട്ടുണ്ട്. പരിക്കേറ്റവരെ നെടുമങ്ങാട് ജില്ല ആശുപത്രിയിലും തിരുവനന്തപുരം മെഡിക്കൽ കോളേജിലും പ്രവേശിപ്പിച്ചിരിക്കുകയാണ്.
