തിരുവനന്തപുരം: തിരുവനന്തപുരം മെഡിക്കല് കോളേജിലെ ശസ്ത്രക്രിയാ പ്രതിസന്ധി സര്ക്കാരിന്റെ ശ്രദ്ധയില്പ്പെട്ടിട്ടില്ലെന്ന് ആരോഗ്യവകുപ്പ് മന്ത്രി വീണാ ജോര്ജ്. ശസ്ത്രക്രിയാ ഉപകരണങ്ങള് ഇല്ലെന്ന ഡോ ഹാരിസിന്റെ ആരോപണത്തില് സമഗ്ര അന്വേഷണം നടത്തുമെന്നും മന്ത്രി അറിയിച്ചു.
ഷെഡ്യൂൾ ചെയ്തതിൽ ഒരു ശസ്ത്രക്രിയ മാത്രമാണ് നടക്കാതിരുന്നതെന്നും അത് നടക്കാതിരുന്നത് സാങ്കേതിക പ്രശ്നം കൊണ്ടാണെന്നുമാണ് മന്ത്രിയുടെ വിശദീകരണം.ശസ്ത്രക്രിയയുമായി ബന്ധപ്പെട്ട് ആരോപണം ഉയര്ന്നതിന് പിന്നാലെ ബന്ധപ്പെട്ടവരുമായി ഫോണില് സംസാരിച്ചിരുന്നുവെന്നും മന്ത്രി പറഞ്ഞു.
ഇങ്ങനെയൊരു വിഷയം തന്റെ ശ്രദ്ധയില് ഇല്ലെന്നും ഗവണ്മെന്റിന്റെ ശ്രദ്ധയില് പ്രശ്നം എത്തിയിട്ടില്ലെന്നും വീണ ജോര്ജ് വ്യക്തമാക്കി. ഡിഎംഇയുടെ ശ്രദ്ധയിലും ഈ വിഷയം ഇല്ല എന്നാണ് പറഞ്ഞത്.
