തിരുവനന്തപുരം: ആയുർവേദ പ്രചരണാർത്ഥം ദേശീയ ആയുർവേദ ദിനവുമായി ബന്ധപ്പെട്ട് സെപ്റ്റംബർ 23ന് ആയുർവേദ ദിനം ആചരിക്കുന്നു .അതിൻ്റെ ഭാഗമായി ഒരാഴ്ച നീണ്ടുനിൽക്കുന്ന വിവിധ പരിപാടികൾ വർക്കലയിലെ സർക്കാർ ജില്ലാ ആയുർവേദ ആശുപത്രിയിലും സംഘടിപ്പിക്കുന്നു.
ആയുർവേദ മെഡിക്കൽ അസോസിയേഷൻ ഓഫ് ഇന്ത്യയും വിവിധ സ്കൂളുകളും ലയൺസ് ക്ലബ് മുതലായ സന്നദ്ധ സംഘടനകളുമായും സഹകരിച്ച് ബോധവൽക്കരണ പരിപാടികൾ, വിദ്യാർത്ഥികൾക്ക് ഔഷധസസ്യങ്ങളും മരങ്ങളും പരിചയപ്പെടുത്തൽ, സൈക്കോളജി, എമർജൻസി , മാനേജ്മെൻറ്, സ്ഥാപനത്തിൽ നൽകിവരുന്ന ആയുർവേദ ചികിത്സകളും സർവീസുകളും പരിചയപ്പെടുത്തൽ, ആരോഗ്യപരമായ ഭക്ഷണം പരിചയപ്പെടുത്തൽ, വിവിധ മത്സരങ്ങൾ, ക്ലാസുകൾ തുടങ്ങിയവ സംഘടിപ്പിക്കുന്നു.
ബുധനാഴ്ച ആരംഭിച്ച പരിപാടികൾ ചൊവ്വാഴ്ച സമാപിക്കും. തിങ്കളാഴ്ച സർക്കാർ മോഡൽ ഹയർസെക്കൻ്ററി സ്കൂളിലെ എൻ.എസ്. എസ്, എസ്.പി.സി, സൗഹൃദ ക്ലബിലെ വിദ്യാർത്ഥികളും പങ്കെടുക്കും.
