തിരുവനന്തപുരം: ഒജെ ജനീഷിനെ യൂത്ത് കോണ്ഗ്രസ് സംസ്ഥാന അധ്യക്ഷനായി തെരഞ്ഞെടുത്തു. നിലവിലെ സംസ്ഥാന വൈസ് പ്രസിഡന്റാണ് ജനീഷ്. വിവാദങ്ങളെ തുടര്ന്ന് രാഹുൽ മാങ്കൂട്ടത്തിൽ രാജിവെച്ചതിന് പിന്നാലെയാണ് പുതിയ അധ്യക്ഷനെ തിരഞ്ഞടുക്കുന്നത്.
സംസ്ഥാന ഉപാധ്യക്ഷനായ അബിന് വര്ക്കിയുടെ പേരായിരുന്നു സജീവമായി പരിഗണിച്ചതെങ്കിലും ഒടുവില് ഒജെ ജനീഷിലേക്ക് എത്തുകയായിരുന്നു. ബിനു ചുള്ളിയിലാണ് വര്ക്കിംഗ് പ്രസിഡന്റ്. യൂത്ത് കോണ്ഗ്രസിന്റെ ചരിത്രത്തിലാദ്യമായാണ് വര്ക്കിങ് പ്രസിഡന്റിനെ നിയമിക്കുന്നത്.
അബിൻ വര്ക്കി, കെ.എം. അഭിജിത്ത് എന്നിവരെ യൂത്ത് കോണ്ഗ്രസ് ദേശീയ സെക്രട്ടറിമാരായും തെരഞ്ഞെടുത്തു. കെഎസ് യുവിന്റെ യൂണിറ്റ് പ്രസിഡന്റായി ആയിരുന്നു ഒജെ ജനീഷ് രാഷ്ട്രീയ പ്രവര്ത്തനം തുടങ്ങുന്നത്. പിന്നീട് തൃശൂര് ജില്ലാ പ്രസിഡന്റായി.
