ബെംഗളൂരു: ഹൈദരാബാദിലെ കർണൂലിൽ ബസിന് തീപിടിച്ച് വൻ ദുരന്തം. അപകടത്തിൽ 32 പേര്ക്ക് ദാരുണാന്ത്യം. വെള്ളിയാഴ്ച പുലർച്ചെയാണ് അപകടം നടന്നത്. ഹൈദരാബാദിൽ നിന്ന് ബെംഗളൂരുവിലേക്ക് പോവുകയായിരുന്ന കാവേരി ട്രാവൽസിന്റെ വോള്വോ മള്ട്ടി ആക്സില് സ്ലീപ്പര് ബസ്സിന് തീപിടിച്ചത്.
തീപിടിത്തത്തിൽ ബസ് പൂർണമായി കത്തി നശിച്ചു. ആന്ധ്രയിലെ കുര്നൂലിൽ വച്ചാണ് അപകടം നടന്നത്. ബസ് ഒരു ബൈക്കുമായി കൂട്ടിയിടിച്ചതിനെ തുടര്ന്നാണ് തീപിടിച്ചതെന്നാണ് വിവരം. സംഭവത്തിൽ 10 യാത്രക്കാർക്ക് പരുക്കേറ്റിട്ടുണ്ട്.
ഇരുചക്രവാഹനം ബസിന്റെ അടിയിൽ കുടുങ്ങിയതിനെ തുടർന്ന് തീപ്പൊരി ഉണ്ടാവുകയും അത് തീപിടിത്തത്തിലേക്ക് നയിക്കുകയും ചെയ്തതാകാം. രക്ഷാപ്രവര്ത്തനം പുരോഗമിക്കുകയാണ്. അഗ്നിശമനസേന സ്ഥലത്തുണ്ട്. ബസില് 40 യാത്രക്കാരും രണ്ട് ബസ് ജീവനക്കാരുമാണ് ഉണ്ടായിരുന്നത്.
