കൊച്ചി: ശബരിമല സ്വര്ണ്ണക്കൊള്ളക്കേസില് വിഎസ്എസ്സിയില് നടത്തിയ പരിശോധനാഫലത്തില് കൂടുതല് വ്യക്തത വരുത്താന് വീണ്ടും പരിശോധന നടത്തണമെന്ന എസ്ഐടിയുടെ ആവശ്യം ഹൈക്കോടതി അംഗീകരിച്ചു. പരിശോധനയ്ക്കായി സാമ്പിളുകള് ശേഖരിക്കാന് എസ്ഐടിക്ക് കോടതി നിര്ദേശം നല്കി. ഫെബ്രുവരി 12ന് സാമ്പിള് ശേഖരിക്കും. മുംബൈയിലെ ഭാഭാ അറ്റോമിക് റിസര്ച്ച് സെന്റിലെ നാഷണല് മെത്തഡോളജിക്കല് ലബോറട്ടറിയിലായിരിക്കും പരിശോധന. സ്വര്ണത്തിന്റെ കാലപ്പഴക്കത്തില് പരിശോധനയിലൂടെ കൃത്യത വരുത്തും.
989 ഗ്രാമില് കൂടുതല് സ്വര്ണ്ണം ശബരിമലയില് നിന്ന് നഷ്ടമായെന്ന് വിഎസ്എസ്സിയില് നടത്തിയ പരിശോധനയില് തെളിഞ്ഞിരുന്നു. കട്ടിളപ്പാളി, ദ്വാരപാലക ശില്പ പാളികള് എന്നിവയില് നിന്നായി 989 ഗ്രാം സ്വര്ണം ഉരുക്കിയപ്പോള് 989 ഗ്രാം സ്വര്ണം ലഭിച്ചു. അതില് 575 ഗ്രാം സ്വര്ണം തിരികെ പൂശി എന്നായിരുന്നു പ്രതികള് എസ്ഐടിയോട് പറഞ്ഞത്. ഈ മാസം 19ന് കേസ് വീണ്ടും പരിഗണിക്കും.
